你老哥真係「忽忽地」，鍾意飄忽；忽然又去咗黃泉。喂，Pat Old “老伯”，而家點算先？第日我去柏林，邊個照我呀？我知，呢個地球好X悶，你老哥成世人不停逃避，搬屋搬廠搬寫字樓。難得又比你搵到愛沙尼亞同柏林兩塊樂土，日日聲色犬馬，疏乎到—死。
老伯，你罪孽深重，睇怕都係落地獄㗎啦。咁咪仲好？天堂就如人間的牛津，太「乾淨」啦，唔啱你。地獄夠Wild，夠Exotic；你老哥唔憂無刺激，無創作靈感啦，希望你早日响地獄開Show。
記唔記得我地最後一次Email呀？你話Miss同我Hea的時光；而家開口中啦，無下次。不過，你都係將我忘記咗好D，千奇唔好又報夢又顯靈，嚇X死我！你知你老哥副尊容㗎啦，尤其係正面「啤」住人嘅時候。令人心都寒埋。所以我都係揀你張側面嚟記住吓你。
喂，死鬼佬，安息啦，飲少D酒，搞少D女人，傷身㗎！今時唔同往日，無永生㗎！
No comments:
Post a Comment